اربح من كل عميل تجيبه لمُضاعِف
مُضاعِف يدير إعلانات قوقل لأصحاب الأعمال. لو جمهورك أصحاب أنشطة يصرفون على إعلانات، خذ رابطك وشاركه، وكل عميل يسجّل منه ويدفع لك عمولة منه.
وش تاخذ
- 25% من كل دفعة يدفعها العميل اللي جبته، لمدة 12 شهر من أول دفعة. لو العميل دفع 1000 ريال في شهر، لك 250 ريال.
- لو صار عندك أكثر من 10 عملاء يدفعون في نفس الوقت، تصير نسبتك 30%.
- العمولة تحسب على اللي اندفع فعلاً، مو على التسجيل ولا التجربة. وتصير جاهزة للصرف بعد 30 يوم من الدفعة.
- العميل اللي يسجّل برابطك ياخذ 20% على أول دفعة، وهذا يسهّل عليك الإقناع.
- نصرف لك يدوياً لما يوصل الجاهز عندك 300.00 ر.س..
الشروط
- لا توعد أحد بنتائج ولا أرقام من إعلاناته. نحن نفسنا ما نوعد.
- لا تقدّم نفسك كموظف عندنا.
- ممنوع المزايدة على كلمة مُضاعِف أو modaafa في إعلانات قوقل.
- أنت مسؤول عن نظامية إعلانك في بلدك، ومنها الإفصاح إنه إعلان.
- العميل اللي يسجّل بنفسه بإيميلك أو جوالك أو بطاقتك ما تنحسب لك عمولته، ولو عميل استرجع دفعته نخصم عمولتها من صرفك.
- نقدر نوقف أي شريك ونلغي عمولاته المعلّقة لو خالف الشروط أو لو لقينا تلاعب.
البرنامج جديد والصرف يدوي، فالتحويل ياخذ وقت وما هو فوري.
كيف تبدأ
- سجّل حساب في مُضاعِف، أو ادخل لو عندك حساب.
- افتح صفحة «برنامج الشركاء»، واكتب اسمك وجوالك، ووافق على الشروط.
- تاخذ رابطك وكودك، وتشوف نقراتك وتسجيلاتك وعمولاتك مباشرة.