عن مُضاعِف

مُضاعِف (Modaafa) منصة سعودية تقرأ حساب إعلانات جوجل كل يوم، وتجهّز لصاحبه قرارات تحسين مع سبب كل قرار من أرقام حسابه، ولا تغيّر شيئاً في الحساب إلا بعد موافقته.

الاسم
مُضاعِف، وبالإنجليزي Modaafa. واسم التطبيق على Google: Modaafa Ads AI
الرابط
ai.modaafa.com
الجهة المالكة
مؤسسة تقنيات أيمن للتسويق الإلكتروني، الرقم الوطني الموحد 7038156571، المملكة العربية السعودية
المؤسس
أيمن أمين (Ayman Amin)، مؤسس وكالة مُضاعفة لإدارة إعلانات جوجل
يشتغل مع
حسابات إعلانات جوجل (Google Ads)، ومعها الحسابات تحت حساب إداري (MCC)
السعر
يبدأ من 500 ريال في الشهر، والفحص الأول مجاني

ليش انبنى مُضاعِف؟

أيمن أمين يدير إعلانات جوجل لعملاء وكالة مُضاعفة، منهم عيادة أسنان ومعرض مراتب وشركة أبواب ومسابح. كل صبح يفتح حساباتهم ويقرا الأرقام ويقرر وش يوقف ووش يزيد.

المشكلة إن صاحب المحل الصغير ما عنده وقت لهالقراية، والوكالة مكلفة على أغلب الناس. فانبنى مُضاعِف يسوي نفس القراية لحسابك، ويحط القرار قدامك مع سببه.

وش يسوي مُضاعِف بالضبط؟

  • يقرا حسابك كل يوم ويبدأ معك برسالة فيها آخر 7 أيام بالريال، ووش يحتاج منك قرار اليوم.
  • كل قرار يجيك ومعه سببه من أرقام حسابك، مثل كلمة صرفت 30 يوم بدون تحويل أو حملة تخسر ظهورها لأن ميزانيتها تخلص بدري.
  • ما يلمس حسابك إلا باعتمادك. تضغط اعتماد، يتحقق من التعديل على جوجل قبل ما ينطبق، ويحفظ له سجل تراجع لمدة 30 يوم.
  • تسأله بالعربي في المحادثة، كتابة أو بالصوت، عن أي حملة أو رقم.
  • أول ما تربط، يفحص الحساب مجاناً. تفاصيل الفحص في صفحة فحص حساب إعلانات جوجل.
الرئيسية في مُضاعِف على الجوال: رسالة اليوم وقرارات اليوم بزر اعتمد
لقطة من المنصة نفسها، بحساب تجريبي.

وش ما يسويه مُضاعِف؟

يشتغل على إعلانات جوجل بس. ما يدير إعلاناتك على منصات ثانية مثل تيك توك وسناب، وما يصمم لك فيديوهات إعلانية.

ما يضمن لك نتيجة، ولا أحد صادق يضمنها في إعلانات جوجل. والحساب الجديد اللي ما صرف بعد، قرارات مُضاعِف فيه قليلة لين تتجمع بيانات تكفي.

مُضاعِف ووكالة مُضاعفة، وش الفرق؟

الاسمين متقاربين والفرق بسيط. مُضاعفة وكالة تسويق يدير فريقها إعلانات جوجل لعملائها، وموقعها modaafa.com. ومُضاعِف منصة من نفس المؤسس، تخليك تدير حسابك بنفسك والقرارات جاهزة قدامك.

لو تبي أحد يدير حسابك عنك بالكامل، الوكالة موجودة. ولو تبي تبقى ماسك حسابك بيدك، مُضاعِف معمول لك.

كم سعر مُضاعِف؟

الفحص الأول مجاني وبدون بطاقة. والاشتراك له ثلاث خطط شهرية بالريال السعودي، واللي ما جرب قبل ياخذ تجربة 14 يوم ويقدر يلغي قبل أول خصم.

خطط اشتراك مُضاعِف الشهرية
الخطةالسعر الشهري
البداية500 ريال
النمو1,200 ريال
الاحتراف2,500 ريال

حدود كل خطة والسعر السنوي في قسم الأسعار بالصفحة الرئيسية، وشروط الإلغاء في سياسة الاسترداد.

كيف تتواصل مع مُضاعِف؟

  • واتساب الفريق: 0554235720، وعليه نساعدك تفتح حساب إعلانات جوجل مجاناً لو ما عندك حساب
  • البريد: moodaaft@gmail.com
افحص حسابك مجاناًآخر تحديث لهذي الصفحة: 14 أكتوبر 2026