البداية
لمتجر أو نشاط بحساب واحد
- 20 محادثة مع مُضاعِف يومياً
- فحصان أسبوعياً
- 5 مزامنات يدوية يومياً
- 3 تنفيذات معتمدة يومياً
مُضاعِف يقرا حساب إعلاناتك كل يوم، ويقول لك بكلام عادي: وش يبيع ووش لا، ووش توقفه. وأنت اللي تضغط اعتمد.
الفحص الأول بدون بطاقة، وما يتغيّر شي في حسابك إلا باعتمادك.
وراه وكالة تدير إعلانات قوقل لعملاء حقيقيين كل يوم: عيادة أسنان، ومعرض مراتب، وشركة أبواب، ومسابح.
أيمن أمين، مؤسس وكالة مُضاعفة
Google Partnerوكالة مُضاعفة شريك معتمد
قريت حسابك الصبح. فيه 3 قرارات اليوم، ابدأ بأولها.
ناس يضغطون عليه كل يوم وتدفع على كل ضغطة، وما جاك منه ولا طلب. أنقل ميزانيته لإعلان يبيع.
أول ما تفتح مُضاعِف تلقى رسالة فيها آخر 7 أيام بالريال، وتحتها قرارات اليوم مرتبة. الأهم أول، وكل قرار معه سببه وكم يوفّر لك في الشهر. تضغط اعتمد، وهو ينفّذ.
ناس يضغطون عليه كل يوم وتدفع على كل ضغطة، وما جاك منه ولا طلب.
الإعلان يوقف الظهر، وأكثر ناسك يشترون بعد العصر. أحرك الميزانية للوقت اللي يشترون فيه.
الناس يكتبونها وتشتري، بس ما هي في حملتك الرئيسية. أضيفها هناك.
هذي حدود مكتوبة في كود المنصة نفسه، مو وعود في صفحة. وقبل أي تنفيذ، يتحقق التعديل على قوقل أول.
من شاشة موافقة قوقل الرسمية. ما نطلب كلمة مرورك، وتسحب الصلاحية متى ما بغيت.
يعرف من الحساب نفسه هل أنت متجر أو عيادة أو خدمات، ويسألك قبل ما يبني على اللي فهمه.
الهدر الشهري التقديري من أرقام آخر 30 يوم، وأول قرار مفتوح لك تشوفه كامل.
14 يوم ما ينخصم منك فيها شي، وتلغي بضغطة من داخل التطبيق قبل ما تنتهي.
ما عندك حساب إعلانات قوقل؟ مُضاعِف يجهّز لك خطة أول حملة، ونفتح لك الحساب مجاناً على الواتساب.
أنا أيمن أمين. أدير إعلانات قوقل لعملاء وكالة مُضاعفة: عيادة أسنان، ومعرض مراتب، وشركة أبواب، ومسابح. وقبل مُضاعفة اشتغلت في تشويش على استراتيجية الإعلانات.
أكثر شي تعلمته من هالحسابات إن الخسارة نادراً تجي من حملة غلط من أولها. تجي من حساب ما أحد يفتحه كل يوم. صاحب المحل ما عنده وقت، والوكالة مكلفة على أغلب الناس.
فبنيت مُضاعِف يسوي القراءة اليومية اللي أسويها أنا، وتسأله وتناقشه زي ما تناقشني. والقرار الأخير يبقى عندك، لأني ما أرضى أحد يحرك فلوس عميلي بدون ما يشوفها، فما أرضاها لك.
واعرف إنه للحين يشتغل على قوقل بس. ميتا وتيك توك وسناب مو فيه، وما أبي أوعدك بشي ما انبنى.
أيمن أمين
مؤسس وكالة مُضاعفة ومنصة مُضاعِف
Google Partnerوكالة مُضاعفة شريك معتمد
كلّمني على الواتسابتبي فريق الوكالة يديرها عنك؟تشوف خطتك وأول قرار بدون بطاقة. الاشتراك يبدأ بتجربة 14 يوم، والأسعار بالريال.
الفحص المجاني
فحص كامل وإعادة وحدة لكل حساب، مع خطتك وأول قرار. بدون بطاقة.
لمتجر أو نشاط بحساب واحد
لنشاط يصرف يومياً ويبي متابعة أقرب
للوكالات والميديا باير بحسابات كثيرة
خلال التجربة تشتغل بحدود باقة البداية، والحدود الكاملة تبدأ من أول دفعة. وتلغي بضغطة من داخل التطبيق.
ضمان أول دفعة
جرّب أول شهر مدفوع، وإذا ما شفت فايدة نرجع لك فلوسك كاملة بدون أسئلة.
توصيات قوقل تجي من قوقل نفسه، وكثير منها يدفعك تزيد الميزانية. مُضاعِف يقرا أرقام حسابك أنت، ويكتب لكل قرار سببه، وأحياناً القرار إنك تنزّل أو توقف. وما يتغيّر شي إلا لما تضغط اعتمد.
إيه، وهذا اللي انبنى له. تسأله بكلامك ويرد بالعربي من أرقامك، وكل قرار معه سببه. وإذا ما اقتنعت لا تعتمده، ولا يتغيّر شي.
تقدر تسأله، وللأسئلة العامة عن الإعلانات يكفي. بس هو ما يشوف حملاتك ولا العبارات اللي صرفت عليها، ويجاوبك على اللي تلصقه له بس. مُضاعِف يقرا الحساب نفسه كل يوم، ويحط على أي تعديل سقف وتراجع 30 يوم.
الفحص الأول مجاني، فتعرف قبل ما تدفع هل فيه هدر يستاهل. وصراحة، الاشتراك يبدأ من 500 ريال في الشهر، وإذا حسابك يصرف قليل ممكن ما يغطي نفسه. جرّب الفحص أول، واحكم من أرقامك.
مُضاعِف يطبّق التعديل على حسابك في قوقل مباشرة بعد ما يتحقق منه، فما تحتاج تدخل قوقل أدز بنفسك. وكل تعديل منفّذ يبقى له زر «رجّعه» لمدة 30 يوم.
لا. تربط حسابك وتشوف الفحص وخطتك وأول قرار بدون بطاقة، ولكل حساب إعلانات إعادة فحص وحدة مجانية. البطاقة تنطلب لما تبدأ التجربة عشان تنفتح المحادثة والقرارات الباقية، وما ينخصم منك شي 14 يوم.
صلاحية إعلانات قوقل بس (نطاق adwords) من شاشة موافقة قوقل الرسمية. ما نطلب كلمة مرورك، ورمز الوصول محفوظ مشفّر. وتسحب الصلاحية متى ما بغيت من إعدادات حساب قوقل، أو بحذف حسابك عندنا.
مُضاعِف يجهّز لك خطة أول حملة من أسئلة بسيطة عن نشاطك. وعشان يشتغل على الحساب نفسه لازم حساب إعلانات، فكلمنا على الواتساب ونفتح لك حساب مستقل باسمك مجاناً.
افتح حسابي على الواتسابالفحص الأول مجاني وبدون بطاقة. وإذا ما عجبك اللي شفته، ما خسرت شي.
افحص حسابك مجاناً